وقفة العيد .. معاني كتير

الاثنين، 15 نوفمبر، 2010

كان نفسي اكون علي عرفة انا و اهل بيتي السنه دي و ان كان الامر قد كان سهلا في باديء الامر بحكم وجود اخي في الممكلة العربيه السعوديه الا ان يشاء الله ان يعود غدا ليلة اول يوم من ايام العيد 
لذا فاللهم لك الحمد تتعوض ان شاء الله 
بسرعه اوي اوي نرجع لارض الوطن .. مصر 
احناااااا هناااااااا 
حمد لله علي السلامه 
النهارده الوقفه : لله المني و الحمد الكل حوليك صائم و ان كان لم يصم من اول العشر الاوائل من ذي الحجه ( رمضان تاني ) 
اه .. اصل الكل بقا علي قلب رجل واحد و كلنا صائمين و كمان متجمعين مع بعض علي الفطار 
و زي ما انتم عارفين الاكل يحب اللمه
الفطار الكل بيدعي و ممكن عنيه تدمع و هو بيدعي اللهم اكتب لي حجه السنه الجايه يااا رب 
انا و امي و ابويه و اخواتي و اخواني يارب متجمعين عند بيتك يارب
نفطر 
اللهم لك صمت و علي رزقك افطرت ذهب الظمأ و ابتلت العروق و ثبت الاجر ان شاء الله

بسرعه بسرعه كدا تاني ارجع معايا قبل الفطار بشويه 
التليفزيون شغال بصوت عالي سامع الحجاج .. سامع 
لبيك اللهم لبيك 
لبيك لا شريك لك لبيك 
ان الحمد و النعمة لك و الملك لا شريك لك 
اللـــــه و انت بتردد ومعاهم 
و الله جسمك بيقشعر 
انت عارف انت بتعمل ايه دلوقت انت بتشارك في الاجتماع الاكبر لاعظم امه كلهم في وجه واحده , ورا امام واحد  , بيرددوا كلام واحد 
ربهم واحد الله عز و جل 

نكمل فطار 
بسم الله الرحمن الرحيم , اللهم بارك لنا في ما رزقتنا و قنا عذاب النار 

في الغالب الناس متجمعه صحاب مع بعضنا 
حناكل عيش بلحمه , انا حغير السنه دي حأكل كشري ( اخوكم فقري شويه )

تاكل من هنا و علي طول شويه نوم عشان السهره 

طبعا الكل متفق علي برنامج خرافي عشان الوقفه 
من هنا نتقسم الي نوعين :

الاول : عادي كل سنه بيعمل اللي كان بيعمله السنه اللي قبليها كنت زمان منهم

التاني : مبتكر و دا الحمد لله بقيت منهم 

انا مش حطول النوع الاول لان برنامجه معروف 

حننزل الشارع متأخر عشان نتقابل صحبنا و الشلل التانيه 
و نلعب بلاي استيشن و ممكن نروح نتعشي بيتزا 

علي فكره ممكن منصليش الفجر و لا العيد و لا صلوه فالعيد يعني ركعتين من غير خطبه و دمتم بخير 

انما النوع الثاني : اليوم يعني وقت يعني حتسأل عنه 
الصبح في اولويات و احتياجات للبيت و للكليه مثلا 
الاهتمام بالذكر و ترتيل القران و الصيام يعني صوم 
مش امتناع عن الاكل و الشراب و بس 
تهنئة الاقارب و الاحباب بالعيد و نذكر بعض بسيره الرسول صلوات الله عليه و سلامه و الافعال الطيبه الواجب فعلها في تلك الايام المباركات 
( العشر الاوائل مخلصوش علي فكره )
الافطار طبعا مع الاسره و احيانا مع بعضنا 
السهره بتكون متأخره بحكم المشاغل 
ما احنا ورانا شغل و اولويات اللهم لك الحمد اومال ايه :)
السهره مش في الشارع بنجمع في مكان محترم او علي سطوح مجهز 
معاك يا معلم بقا Datashow , Labtop ,Film Cartoon 3D
عشان مش عيال اصلنا يعني :)
الفيلم له مواصفات :
1- محترم 
2- له فكره مفيده او بيحل مشكله 
3- مضحك مرح لاننا في الوقفه مش حجيب The Message 
4- يرضي جميع الاذواق 
و علي فكره دا مش صعب لاننا متجمعين علي خير 
طبعا بكون محضرين العشا من قبلها بفتره ( خبره )
معنا طبعا الشيف بتاعنا ( الليث ) و مساعده ( الغزاوي )

اكلنا تمااام اللهم لك الحمد 

علي فكره الوقفه عند النوع الاول لا طعم لها ولا شيء حلو 
اما النوع الثاني فانه يستمتع و كله حلال بفضل 
اللهم دمها علينا نعمه و احفظها من الزوال

ندخل في الجد 
الدولة الاسلامية او الخلافه الاسلاميه 
وجودها واجب 
و عدم وجود خلافة اسلاميه تتناسب مع هذا العصر اثم علي كل مسلم 
الي ان تقوم الخلافة الاسلاميه 
طيب عاوز ايه ؟؟
اقول لك انا عاوز ايه 
ببساطه في سنن كانت تقام في اثناء الخلافه الاسلاميه لا تقام الان 
حد عارف ان من المفروض ان نسيير الي الخلاء لصلاة العيد في تجمع او تجمهر ؟
دي سنة 
الرسالة وصلت ؟؟
طاب الحمد لله 

صلاة العيد السنة دي 6:46 AM

ان شاء الله نصلي الركتين مع الامام و نسمع الخطبه لان مينفعش صلاة العيد من غير سماع الخطبة 

بعد الصلاه التقي كل من احب ان القاه و لأن اخوتنا صادقه الحمد لله فما يأتي علي بالي احد الا و القاه بعدها بدقائق 

اللهم لك الحمد 

مش ححكي لكم بقا علي الذبيح و الدم و الحوسه اللي بنكون فيها 
و لو فينا حد بيحب العمل الخيري فينزل يلف بالعربيه و يقول :
اهالي ( الحتة اللي ساكن فيها ) كل عام و انتم بخير 
جمعية ( .. ) تهنأكم بحلول عيد الاضحي المبارك عفواً 
اعاده الله عليكم باليمن بالمني و البركات 
و تدعوكم للتبرع بجلود الاضحي من اجل اعمال الجمعيه الخيريه 

و جزاكم الله خيرا 

عملتها الحركة قبل كدا 
بس كنت فوق العربيه :)

في النهايه 
بتروح تنام مطحوون 

مش شايف قدامك 
فمن بدري بقول لكم 

بلاش تانموا بعد الفطار و ناموا لكم  ساعتين قبل صلاة الفجر حيفرقوا معاكم خااالص 

و اسأل مجرب و متسألنيش انا :)

اترككم مع بعض الصور من وقفة عرفة و عيد الاضحي لعام 2009 
السنة اللي فاتت يعني 

لا تنسونا من صالح دعائكم عن الافطار غداً ان شاء الله 
عندي امتحانات ميد ترم بعيد عندكم الاسبوع الجاي














لن ننساكي يا فلسطين






الصفا و المروة
هليكوبتر تمر من عند مسجد نمره
المسجد النبوي وقت الغروب خير يوم طلعت فيه الشمس
طفله ماليزيه تشاهد ذبح الشاه
رمي الجمرات

خلقت من اجل هذا ( بسم الله الله اكبر )
قطرات دم .. تغفر لك ذنوبك
لحظة الغروب
حلوي الشام
لحظة الغروب ليوم عرفه

تكبيرة العيد ::: محمد جبريل ::: جميل جدا



12 مش كفايه انك تعلق المهم انك تتابعنا ::

Brave Heart يقول...

كل سنة و انت طيب ... و ان شاء الله نكون مع بعض في الفريق بكرة بس انا ما اعتقدش اني هاعرف انام ساعتين قبل الفجر مع اني متفق معاك جدا انهم بيفرقوا مع الواحد كتييييييييييير

المصوراتي ( عيوني كاميرا ) يقول...

و انت طيب يا اخي الحبيب (brave heart )


ان شاء الله نلعب في الملعب و نعمل اللي ميتعملش

و نجيب اجوان كتير كالعاده و انت فاهمني

:)

جمعاوى يقول...

:) د


ججميلة يا مصوراتى المشاعر دى ،،


خصوصا قبل المغرب بشوية و الترديد شغال

لبيك اللهم لبيك
لبيك لا شريك لك لبيك
إن الحمد و النعمه لك و الملك ، لا شريك لك


كتبها الله لك عاجلا غير آجل ..


موضوع البلاى ستيشن ده بجد ؟؟؟

وفيلم 3D كمان ؟ :)


هو إنتوا عندكوا مش بتحضّروا لصلاة العيد ؟ :)

muslim youth يقول...

كل سنه و انت طيب
موضووووووووووع جيدوشيق
جزاكم الله خيرا

غير معرف يقول...

bgd nice topic we rbna ygzk 5er beh we y8frlk we y8frlna fe el ayam el mftrga de ya rab amen

mido51091 يقول...

كل سنه و انا طيب :)

عيد سعيد و بديع عليكم بس مش مبارك :)

ربنا يتقبل صيامنا و يغفر لينا

يارب يخلينا نعرف نذاكر و نحل كو يس فى امتحانتنا

المصوراتي ( عيوني كاميرا ) يقول...

@ جمعاوي حبيب هرتي اللي وحشني

بعا انت عارف اخوك اد ايه حساس
و ذو مشاعر مرهفه

اللهم امين يجمعنا كلنا علي عرفه قادر يا كريم

موضوع البلاي استيشن دا بجد
و دا ركن ركيز عن العيال السيس او ممكن سولجر


و بالنسبه للفيلم فهو 3d مش كرتون

ميكي موث

المصوراتي ( عيوني كاميرا ) يقول...

muslim youth @

و انت طيب يا اخي

و وحشني جدا جدا

و شكرا علي مروركم الكريم

المصوراتي ( عيوني كاميرا ) يقول...

الاخ اللي مش معروف بس معروف لقلبي :)


اسأل الله العظيم رب العرش العظيم ان يتقبل منا صالح اعمالنا و يغفر لنا ذنوبنا

المصوراتي ( عيوني كاميرا ) يقول...

mido @

و انت طيب , عساكم من عواده

و عيد سعيد علينا و عليكم اللهم امين

mrmr يقول...

كل سنة و أنت طيب
عيد أضحى سعيد

المصوراتي ( عيوني كاميرا ) يقول...

و حضرتم طيبه

عساكم من عواده

يا مرمر