رفعت .. ختعن ... كشك .. معوض علي التوالي !!

الخميس، 18 نوفمبر 2010

بسم الله الرحمن الرحيم 
(كُلُّ نَفْسٍ ذَائِقَةُ الْمَوْتِ وَإِنَّمَا تُوَفَّوْنَ أُجُورَكُمْ يَوْمَ الْقِيَامَةِ فَمَنْ زُحْزِحَ عَنِ النَّارِ وَأُدْخِلَ الْجَنَّةَ فَقَدْ فَازَ وَمَا الْحَيَاةُ الدُّنْيَا إِلَّا مَتَاعُ الْغُرُورِ) (آل عمران:185) )وَلَيْسَتِ التَّوْبَةُ لِلَّذِينَ يَعْمَلُونَ السَّيِّئَاتِ حَتَّى إِذَا حَضَرَ أَحَدَهُمُ الْمَوْتُ قَالَ إِنِّي تُبْتُ الْآنَ وَلا الَّذِينَ يَمُوتُونَ وَهُمْ كُفَّارٌ أُولَئِكَ أَعْتَدْنَا لَهُمْ عَذَاباً أَلِيماً) (النساء:18) )أَيْنَمَا تَكُونُوا يُدْرِكْكُمُ الْمَوْتُ وَلَوْ كُنْتُمْ فِي بُرُوجٍ مُشَيَّدَةٍ وَإِنْ تُصِبْهُمْ حَسَنَةٌ يَقُولُوا هَذِهِ مِنْ عِنْدِ اللَّهِ وَإِنْ تُصِبْهُمْ سَيِّئَةٌ يَقُولُوا هَذِهِ مِنْ عِنْدِكَ قُل كُلٌّ مِنْ عِنْدِ اللَّهِ فَمَالِ هَؤُلاءِ الْقَوْمِ لا يَكَادُونَ يَفْقَهُونَ حَدِيثاً) (النساء:78) )وَهُوَ الْقَاهِرُ فَوْقَ عِبَادِهِ وَيُرْسِلُ عَلَيْكُمْ حَفَظَةً حَتَّى إِذَا جَاءَ أَحَدَكُمُ الْمَوْتُ تَوَفَّتْهُ رُسُلُنَا وَهُمْ لا يُفَرِّطُونَ) (الأنعام:61) )وَمَنْ أَظْلَمُ مِمَّنِ افْتَرَى عَلَى اللَّهِ كَذِباً أَوْ قَالَ أُوحِيَ إِلَيَّ وَلَمْ يُوحَ إِلَيْهِ شَيْءٌ وَمَنْ قَالَ سَأُنْزِلُ مِثْلَ مَا أَنْزَلَ اللَّهُ وَلَوْ تَرَى إِذِ الظَّالِمُونَ فِي غَمَرَاتِ الْمَوْتِ وَالْمَلائِكَةُ بَاسِطُو أَيْدِيهِمْ أَخْرِجُوا أَنْفُسَكُمُ الْيَوْمَ تُجْزَوْنَ عَذَابَ الْهُونِ بِمَا كُنْتُمْ تَقُولُونَ عَلَى اللَّهِ غَيْرَ الْحَقِّ وَكُنْتُمْ عَنْ آيَاتِهِ تَسْتَكْبِرُونَ) (الأنعام:93) )كُلُّ نَفْسٍ ذَائِقَةُ الْمَوْتِ وَنَبْلُوكُمْ بِالشَّرِّ وَالْخَيْرِ فِتْنَةً وَإِلَيْنَا تُرْجَعُونَ) (الانبياء:35) )حَتَّى إِذَا جَاءَ أَحَدَهُمُ الْمَوْتُ قَالَ رَبِّ ارْجِعُونِ) (المؤمنون:99) )كُلُّ نَفْسٍ ذَائِقَةُ الْمَوْتِ ثُمَّ إِلَيْنَا تُرْجَعُونَ) (العنكبوت:57) )قُلْ يَتَوَفَّاكُمْ مَلَكُ الْمَوْتِ الَّذِي وُكِّلَ بِكُمْ ثُمَّ إِلَى رَبِّكُمْ تُرْجَعُونَ) (السجدة:11) )قُلْ لَنْ يَنْفَعَكُمُ الْفِرَارُ إِنْ فَرَرْتُمْ مِنَ الْمَوْتِ أَوِ الْقَتْلِ وَإِذاً لا تُمَتَّعُونَ إِلَّا قَلِيلاً) (الأحزاب:16) )اللَّهُ يَتَوَفَّى الْأَنْفُسَ حِينَ مَوْتِهَا وَالَّتِي لَمْ تَمُتْ فِي مَنَامِهَا فَيُمْسِكُ الَّتِي قَضَى عَلَيْهَا الْمَوْتَ وَيُرْسِلُ الْأُخْرَى إِلَى أَجَلٍ مُسَمّىً إِنَّ فِي ذَلِكَ لَآياتٍ لِقَوْمٍ يَتَفَكَّرُونَ) (الزمر:42) )وَجَاءَتْ سَكْرَةُ الْمَوْتِ بِالْحَقِّ ذَلِكَ مَا كُنْتَ مِنْهُ تَحِيدُ) (قّ:19) )قُلْ إِنَّ الْمَوْتَ الَّذِي تَفِرُّونَ مِنْهُ فَإِنَّهُ مُلاقِيكُمْ ثُمَّ تُرَدُّونَ إِلَى عَالِمِ الْغَيْبِ وَالشَّهَادَةِ فَيُنَبِّئُكُمْ بِمَا كُنْتُمْ تَعْمَلُونَ) (الجمعة:8) )وَأَنْفِقُوا مِنْ مَا رَزَقْنَاكُمْ مِنْ قَبْلِ أَنْ يَأْتِيَ أَحَدَكُمُ الْمَوْتُ فَيَقُولَ رَبِّ لَوْلا أَخَّرْتَنِي إِلَى أَجَلٍ قَرِيبٍ فَأَصَّدَّقَ وَأَكُنْ مِنَ الصَّالِحِينَ) (المنافقون:10) 

تلك كانت كل ايات الموت التي ذكرت في القرآن الكريم  فصدق الله العظيم

حديثي اليوم عن اموات كان بيننا نلقاهم و نسامرهم و نخالطهم و ننقشهم و نداعبهم و نشتاق اليهم و نسأل عنهم و الجميع يحبهم 
جميعهم من مواليد 1991 اي لم يتجاوزا العشرين من عمرهم 
جميعهم طلاب جامعيون هما بالترتيب 
عمر رفعت 
عبد الله ختعن 
احمد كشك 
احمد معوض


و الله ان الحديث عن الموت لثقيل علي الانسان فانا لا ادري ما اكتب و ماذا اقول ولكن وجب علي الحديث بعد ان نويت التحدث عنهم فلنبدأ 

الطالب : عمر رفعت 
توفي يوم :  8- 10 - 2009
الحادث : طريق دمنهور - الاسكندريه 
برفقته زميلنا الحبيب قناوي فايز قناوي 

لم يكن منعزلا عننا و لكن له صحبته و لن اصحابنا 
و بيننا مشترك في الاصحاب 
و عني : انا لم اكن علي صلة قويه به 
و لكن يعرفني و اعرفه 
الفاصل : ذهب عمر و بقيت ذكراه بيننا بصوره و اخاه الذي لا يختلف عنه في الشكل كثيرا 

رحمه الله و اسكنه  فسيح جناته 

الطالب : عبد الله ختعن 
هو احد اكثر الناس طيبه و رجوله و بساطه و فكاه و احترامنا 
كما هو زميل لي في الدراسه في نفس التخته من اولي ثانوي و معيا في دروس كثيره الا ان ذنوبي كانت تبعدني عنه لقول رسول الله عن الاخوه : ( و الذي نفس محمد بيده ما تواد اثنان ففرق بينهما الا بذنب يحدثه احدهما ) فكان هذا هو حالي مع عبد الله 
كان معايا في كليه هندسه ( رجب ) الا انه سقطت في اول سنه فكانت اول فرقه بيني و بينه .
في العام الدراسي الثاني لي و له في الكليه بدأ في الحضور و الاندماج مع دفعته الجديده و كان ذلك لي شيء ليس بجديد فهو الشخص المبتسم المحبوب الصديق الصدوق الي ان جاء يوم :11-3-2010 كان قبل هذا الموعد ظلت ابحث عنه في الكليه و اسأل عنه و ماذا فعل في النتيجه و لا اجده الي ان اتصل بي احد اصدقائي : محمود عماره الذي سنتحدث عنه بعد قليل 
اتصل بي يقول : ( عاشور مشفتش عبد الله ختعن النهارده ؟! )
قلت : ( لا و الله يا عماره انا كنت بدور عليه بقالي كذا يوم و مش عارف اوصل له خير في ايه ؟ ) 
قال : ( لا مفيش انا بسأل عليه بس )

حالي غير مطمئن لا ادري ماذا حدث و اين عبد الله ؟

رجعت الي البيت و في المساء نزلت برفقة كريم الزفتاوي يوم الخميس و كنت لم اره هو ايضا منذ فتره 

الهاتف يرن محمد السعدني ؟! غريبه 
السلام عليكم ازيك يا سعدني 
ازيك يا عاشور بقولك .. بجد اللي حصل دا ( جه في بالي عبد الله تلقائياً ) 
خير يا محمد ؟
الواد عبد الله ختعن مات القطاار داس عليه 
نعم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ عبد الله مين ؟ كوتكت ؟؟
انا لله وانا اليه راجعون .. انت متؤكد ؟
اه و الله يا عاشور 
طيب قابلي عن مديرية الامن عشان افهم اللي حصل
سلام 

مصدوم مش عارف اتكلم ... عبد الله ؟؟؟
قابلته و شويه لقيت احمد ختعن و مصطفي الصياد و اسماعيل و معوض 
ختعن كان مش ماسك نفسه من العياط وانا كذلك بس بحاول اتماسك 
طبعا كدا اتأكدنا 
و دا كان اخر تعليق له علي الصور بتاعت البروفايل بتاعي علي الفيس 


شايفين الكلام بيقول ايه الكومنت دا انا مردتش عليه الا بعد ما مات الله يرحمه بيقول ( AIH YA LOOOOOOOOOOL ENTA FEEN WAHSHNY WLAHI )
ردي : ( WA ANTA 7ATFDEEEEL WA7SHNE TOOOL MANA 3AYEEEEEESH )
احمد معوض : ( الله يرحمه ) لا اله الا الله .. الله يرحمك يا عبد الله 

الله يرحمك يا عبد الله انت و معوض 
عبد الله مات في محطة اسكندريه  سيدي جابر و كان معاه اسلام الشيخ 
كان مستعجل جدا و بيقول لاسلام و هو بيجري عشان يلحق القطار .. لا يا عم انا مستعجل خالص .. يا بني استنا القطار اللي بعده .. لا لا انا مستعجل 
مستعجل علي ايه بس ؟
قضاء الله كُتب فيه انه يصتدم في العمود فيقع تحت القطار و مازال علي قيد الحياه الا ان النزيف و مفيش اسعاف و محدش بيعمل حاجه بسبب السلبيه اللي مغرقانا 
مات عبد الله



الثالث : هو احمد كشك طالب بكلية الهندسة الفرقة الثانيه 
خفيف الظل تحبه اول ما تشوفه احبابه كتير اولهم عبد الرحمن ابو السعد و د. عمرو صبحي .

احمد معرفتي به لم تكن قويه الا في 2 ثانوي لان عبد الرحمن جاري فتعرفت عليه الي ان كنا نتمرن سوياً كره اليد في النادي الاجتماعي 
احمد كان بيحضر مجالس ذكر او لقاءات ايمانيه اسبوعيه كنا نلتقي فيها كانت احد اسباب قربنا من بعض غير لعب الكوره و لما نتجمع عند التراس في المحل و خاصة في اول ايام رمضان و الاعياد 

السنة دي في العيد في ليلة اول يوم من ايام العيد ( الوقفه ) زي ما بنقول 16 - 11- 2010 لقي احمد ربه بعد ان وافته المنيه في حادث أليم
العريبه كان فيها احمد كشك و معوض و اسماعيل و محمود عماره ( اللي كان بيسأل علي ختعن ) كانوا بيتفسحوا فكان احمد كشك سايق علي طريق زاوية غزال في اوله مطلعش برا دمنهور اوي يعني 

الطريق كان رايح جي و ضيق و كانت المشكله انت احمد مش بيسوق و هو مركز اوي عشان كدا كان دائما د. عمرو بيرفض انه يديله العربيه .. اللي حصل ان احمد كان واخد الطريق الشمال يعني اللي جي امامه لما رأي عربيه امامه فكان بيتفادها فدخلت العربيه التانيه فيهم من الجنب اللي كان فيها كشك و عماره 
الكلام دا الساعه 9:45 pm وصلوا المستشفي حالتهم كالتالي :
احمد كشك  ( كوشك )( ميت ) 
معوض ( حي بس مش عرفين عنده ايه او حيعملوا له عملية ايه كان في 11 طبيب في المستشفي العام مش عارفين يعملوا له حاجه الي ان توفاه الله )
احمد اسماعيل : ( سمعه ) ( سليم الا بعض الكدمات ) و السبب في كدا عماره لانه عماره اخده في حضنه فحمي عنه فكان 
محمود عماره او ( الروسي ) : ( دخل الكرسي فيه تقريبا اثناء حمايته لاسماعيل فكان الناتج انه شال الطحال و الحمد لله الحالة استقرت في الصباح و كان بحاجه الي دم و بلازما فالحمد لله ربنا كرم و عرفنا نجيب له متبرعين من جيلنا و اقاربه اللي ممكن تكفيه خمس ايام قدام , عمارة الحمد لله نقلنا امبارح اسكندريه عشان نطمن عليه اكتر ) 

المشكلة كلها انا عرفت ازاي ؟؟

انا كنت مشغول جدا يوم الوقفه و في بالي اعيد علي ناس كتير و عاوز اقابل الشباب بس مش عارف اوصل لحد فقلت اكلم مصطفي التراس اعيد عليه و اعرف الناس فين ؟

السلام عليكم .. ازيك يا صاصا 
الووو .. محمد ؟؟
ايوه يا حوده انا محمد ازيك عامل ايه ؟؟
فين مصطفي انا كويس الحمد لله ؟
مصطفي جنبي اهوو .. طيب ادهولي اكلمه !! .. في ايه يا محمد ؟؟ هو في حاجه ؟؟
انت متعرفش ؟؟
معرفش ايه ؟ 
كشك و معوض تعيش انت ................... الساعة 12:30 am 
انا كان ردي : اوك يا محمد خلاص خلاص شكرا سلاام !!!!!!!!!!!!!!!!
مش عارف اعمل ايه كنت عند معتز لسه داخل الشقه عشان نسهر سوا و الناس متجمعه عنده مش عارف اتكلم .. مالك يا بني ؟؟ دماغي ؟؟؟؟؟؟
كشك و معوض ماتوا ؟؟؟؟؟؟؟؟؟؟؟؟؟؟؟؟؟؟؟؟؟
اه ما احنا عارفين ان كشك مات بس و معوض كمان ؟؟
الكلام دا من الساعه 10 يا بني 
د. النعناعي حب يشد عليه ايه في ايه خلاص ماتوا حتعمل حاجه الله يرحمهم اجمد كدا 
انا ساااااااااكت و مره واحده روحت نازل و مش عارف اروح فين .. بس انا عاوز اروح او اشوف محمد و مصطفي التراس هما كمان جيراني بمد و بجري حصلني د. رجيعه .. استني اهدي رايح فين ؟؟
مش عارف اتكلم و بعيط مش عارف مش عارف بس سيبني 
قال لي لأ قولي رايح فين ؟ قلت له مروح انا عاوز اروح ( حاسس اني تايه و مش عارف انا فين ؟ ) 
دكتور : لا كله الا انك تروح تعالي مشي معايا نتكلم .. الكلام فهمت منه انهم في المستشفي و الناس كلها معاهم من بدري .. يا تيجي معايا نرجع يا اما تروح المستشفي لكن الغلط انك تروح
انا رايح المستشفي 
رحت الناس واقفه برا عبد الرحمن و كريم و عمو حسام و نااااااااااس كتيير 
انا مش فاهم في ايه ؟؟ و من كتر ما انا مش مصدق سألت مين اللي مات ؟؟
دخلت المستشفي و روحت علي مكان اللي فيه الجثث عشان يتغسلوا 

المفاجأه : انا اللي باخد العذاء مش عارف ازاي الشباب كلهم بيسلموا عليه البقاء لله يا عاشور و انا عليه اني اواسيهم و لا ابكي و ان اتماسك 

الا ان وجدت محمد زين الدين زميل حياتي منذ الطفوله منهمر في البكاء علي احمد معوض و بيقول لي : ( كان اخويه .. يا عاشور اخويه ) 

احمد معوض : طالب بكلية الهندسه قسم ميكانيكا 
كنا بنقول له يا صيني عشان عينه شبهم 
طيب جدا جدا  جدا و كان بيشاكس فينا و كنا بنخاف من ايده كانت ماشاء الله فعلا تخوف  ( الله يرحمه )
مكنتش اعرفه الا و انا في كليه اول مره شفته كان محمد زين الدين ( زين ) 
اتعرفت عليه مره التانيه عند مصطفي في المحل عرفنا بعض كويس بقا علي طوول بشوفه مع الشله اروح لهم الكليه اقابله بس انا كنت بحب فعلا كنت بحبه و ربي اعلم بصدق مشاعري .
 الصوره اللي محطوطه له في فوق كنت حطيطها له في الالبوم علي البروفايل لكن مكنتش عجباه فقال لي امسحها الان هي دي الصور اللي انتشرت بينا بعد ما طلعتها و عمل التصميم البسيط ( علي ابو فاطمه ) فبقول له معلش يا معوض بس انت حلو في كل الاوقات .
كان في مشكله كبيره في الدفنه بتاعتهم : ان كشك حيندفن في الدلنجات و معوض في نفرا و لازم نتقسم ايه الحل ؟ و عاوزين عربيات ؟

بدأت اعلي صوتي في الناس : يا رجاله احنا عاوزين عربيات تلمنا عشان نحضر الدفنه بتاعت كشك و معوض لأن في واحد في الدلنجات و التاني في نفرا اللي يعرف يتصرف و يكلم حد بسرعه عشان العربيه بتاع كشك حتطلع دلوقت .. و الناس مش بترد و مش مركزه الا اني لقيت وجيه و الباز بيقول لي يا عاشور انا حكلم ناس سواقين يخدونا .. و فعلا جابوا لنا السواقين 3 عربيات .. مش حيكفوا الناس اللي طالعه ورا كشك بس في 3 عربيات و لسه في ناس رايحه ورا معوض 

كان نفسي اتقسم نصفين اروح هنا و هنا ما احنا واحد بس القدر اني اروح ورا كشك بحكم الظروف و كمان لدينا مشاغل لم تنتهي بعد 


وصلنا المقابر .. صلينا علي كشك .. و روحت جاري علي مكان قبره لزقت فيه الموقف الاصعب ان تري كشك مكفن يحمل الي القبر و لا يمكنك الا البكاء بلا توقف و الكل ينظر في دهشه و صوت البكاء يعلو 

حتي سمعت والد احمد يقول : سلام يا احمد يا بني .. سلام يا احمد .. و اخذ في البكاء فما كان منا الا البكاء معه 

و عن نفسي شعرت ان عيناي كاميرا تنظر الي وجوه الشباب و الكبار و المشيعون و كأن لم ارهم من ذي قبل .. لأول مره اري هذا الشباب بعينه يبكي لم اري دموع رحومه او اغا او عشبه لم اري شباب هندسه خاصة بيبكي لا يبتسم فان كنا دائما علي فهم باننا في  هذه الدنيا نواجه كل شيء لنصل الي الحل المناسب زي اي مسألة بنحلها في الكليه في اي مادة الا هذا الامر و هذه نكبه التي حططت علينا لنفوق ( اصحووووووووووووووووا ) اه اصحوا الدور علي مين ؟؟
جايز انا جايز انت او انتي لما لا ؟ فاذا كان اطيب الناس و احسن و اكثرهم حباً بيننا توفوا .. فلما لا نكون بعدهم ما المانع ؟

و عشان اللي مش عارف حاجة عن محمود عماره و هو فين الان ؟
محمود الحمد لله بقي كويس و نقلناه مستشفي طيبه في الاسكندريه للاطمئنان عليه اكثر نسأل الله له الشفاء العاجل 

الصدقه الجاريه عشان كشك و معوض للتواصل عبر الفيس بوك :
http://www.facebook.com/pages/raft-khtn-kshk-mwd-yaaaaaaaaaaaa-rb-fy-aljnt/119090614821227
http://www.facebook.com/event.php?eid=177059998975350

في النهايه اذكر نفسي و اياكم باحداث يوم القيامه في قوله تعالي : في سورة الحاقة
  1. فَأَمَّا مَنْ أُوتِيَ كِتَابَهُ بِيَمِينِهِ فَيَقُولُ هَاؤُمُ اقْرَؤُوا كِتَابِيَهْ
  2. إِنِّي ظَنَنتُ أَنِّي مُلاقٍ حِسَابِيَهْ
  3. فَهُوَ فِي عِيشَةٍ رَّاضِيَةٍ
  4. فِي جَنَّةٍ عَالِيَةٍ
  5. قُطُوفُهَا دَانِيَةٌ
  6. كُلُوا وَاشْرَبُوا هَنِيئًا بِمَا أَسْلَفْتُمْ فِي الأَيَّامِ الْخَالِيَةِ
  7. وَأَمَّا مَنْ أُوتِيَ كِتَابَهُ بِشِمَالِهِ فَيَقُولُ يَا لَيْتَنِي لَمْ أُوتَ كِتَابِيَهْ
  8. وَلَمْ أَدْرِ مَا حِسَابِيَهْ
  9. يَا لَيْتَهَا كَانَتِ الْقَاضِيَةَ
  10. مَا أَغْنَى عَنِّي مَالِيَهْ
  11. هَلَكَ عَنِّي سُلْطَانِيَهْ
  12. خُذُوهُ فَغُلُّوهُ
  13. ثُمَّ الْجَحِيمَ صَلُّوهُ
  14. ثُمَّ فِي سِلْسِلَةٍ ذَرْعُهَا سَبْعُونَ ذِرَاعًا فَاسْلُكُوهُ
  15. إِنَّهُ كَانَ لا يُؤْمِنُ بِاللَّهِ الْعَظِيمِ
  16. وَلا يَحُضُّ عَلَى طَعَامِ الْمِسْكِينِ
  17. فَلَيْسَ لَهُ الْيَوْمَ هَاهُنَا حَمِيمٌ
  18. وَلا طَعَامٌ إِلاَّ مِنْ غِسْلِينٍ
  19. لا يَأْكُلُهُ إِلاَّ الْخَاطِؤُونَ
  20. فَلا أُقْسِمُ بِمَا تُبْصِرُونَ
  21. وَمَا لا تُبْصِرُونَ 

    اسأل الله العظيم ان يكونوا من اصحاب اليمين و ان نكون مجتمعين جميعاً في الفردوس الاعلي بصحبة رسولنا الكريم و اصحابه الكرام 

    سأترككم مع بعض الصور لدفعتنا 


























22 مش كفايه انك تعلق المهم انك تتابعنا ::

Unknown يقول...

ربنا يرحمهم ويسكنهم فسيح جناته وبجد شكرا يا محمود على المجهود اللي انتا بتعملوا

Unknown يقول...

Allah Ynawer ya Ashour

غير معرف يقول...

w ana b2rha 23d a3yt bgd aftkrt kol 7aga 7slt fe kol yom mn dolat ez kan 5t3n aw yom elw2fa
eftkrt shkl aboh awl ma shaf abo els3d w mmsksh nfso mn el3yat 2odam abo els3d w 23do y3yto w ana w2f gnbhom msh 2dr amsk nfsy mn el3yat wll a7shohm 3an b3d bgd kan mw2f sa3b 2odamy bgd
msh 72dr a2ol 8er en allh w en ela allh rag3on allh yr7mhom yarab

Dr Ayman يقول...

ربنا يرحمهم جميعا

بجد كلهم كانوا شخصيات محترمة

و حيفضلوا حاضرين بأعمالهم حتى لو غايبين

غير معرف يقول...

لله ما أخذ ولله ما أعطى وكل شيئ عنده بمقدار
.... أحييك

جمعاوى يقول...

إنا لله و إنا إليه راجعون ..

لله ما أعطى و لله ما ةأخذ و كل شىء عنده بمقدار

و ما نقول الإ ما يرضى ربنا ..

ولا حول ولا قوة الإ بالله

غير معرف يقول...

ربنا يرحمكم يا رب
وفى الجنة بأذن الله

mrmr يقول...

ربنا يرحمهم جميعا ويصبر اهلهم

غير معرف يقول...

alah yr7mhm we y8fr lhm bgd ana mosh 3rf a20l eh rbna ystr .....................

Adabclub يقول...

الموت لا يعرف سناً

المصوراتي يقول...

mr sean 90 @

اللهم امين .. اسأل الله العظيم ان يتقبل مني هذا العمل البسيط

المصوراتي يقول...

eng dark angel 2020
شكرا يا محمد

و شكرا علي اتصالك

المصوراتي يقول...

@kimo


انا اسف يا كريم بس زي من انت كنت بتقرأ و بتبكي انا كمان كنت بكتب و انا ببكي فلعل صدق المشاعر و حبنا الصادق لهم هو سر هذا الشعور

نسأل الله لهم الفردوس و انا يجمعنا جميعا علي سرر متقابلين

المصوراتي يقول...

@ Dr AYMAN

جزاك الله خيرا و هما فعلا سيظلوا علي البال دائما

المصوراتي يقول...

@ جمعاوي

لا املك الا ان اقول لك

لا تغب عني كثيرا فكم اشتاق لك

المصوراتي يقول...

@mrmr

اللهم امين نسأل الله الصبر و السلوان لاهلهم

المصوراتي يقول...

@عمار مطاوع

حقاً ان الموت لا يعرف سناً

و كلنا لله

اشكرك علي تشريفي في المدونه

جزاك الله خيرا

Unknown يقول...

ربنا يرحمهم ويغفرلهم ويعفو عنهم وان كانو محسنين يجزيهم بحسناتهم وان كانوا مسيئين يتجاوز عن سيئاتهم

المصوراتي يقول...

اللهم امين يا احمد جزاك الله خيرا

غير معرف يقول...

قل لن يصيبنا إلا ما كتب الله لنا هو مولانا و هو أرحم الراحمين

إستثنــــــــاء يقول...

الله يرحمهم ..

المصوراتي يقول...

اللهم امين يا رب العالمين

نورتينا

استثناء