اخرج عن صمتي

الجمعة، 21 يناير 2011

كان لازم اخرج عن صمتي 
الاحداث كتير اوي 
و نفسي اكتب بوست جديد بس 
مش عارف 
و مضايق 
 و عمال الف علي المدونات و اشوف الناس كاتبه ايه 
و انا حتجن 
لحد ما لقيت اللي يهديني شوية 
و حاجة كدا خصوصي
و سبق كالعادة للمدونة 
عن تونس الحرة 
الي من احيا فينا الأمل 
إلي من فك قيودنا الوهمية 
الشعب التونسي الحر 


المبدع 
حمزة نمرة 
و غنيوة جديده له
بأسم 

هيلا هيلا يا مطر 

شكراً حمزة 
دائما مشرف المصريين 
دائما متألق 
دائما ايجابي 
دائما فنان


انا لسه في الامتحانات فاضل لي امتحانين 
يوم 24 و 27 
دعواتكم
هاااانت
و بكرة او بعده حفجر مفاجئه 
لكل الناس اللي بتحب التصوير ومهتمه ب 25 يناير 
في مصر 
تابعونا

كلمات هيلا هيلا يا مطر

هِيلاَ هِيلاَ يا مَطَرْ
اِغْسِلي اوْراق الشَجَرْ

الحُلْم مثْل الوَرْد يكْبَرْ

والهِلالْ يصْبَحْ قَمَرْ

اُدْخُلِي بِيُوت القَصَبْ

واسْقِي أزْهار الغَضَبْ

وخَبِّرِي دَمْعِةْ بِلادِي

إنّ ماسِحْهَا حَضَرْ

طُلِّي مِنْ فُوق الجَبَلْ

دُقِّي عْلَى ابْواب الأمَلْ

في خِيمة النَصْر اللِي هَلّْ

الخَضْرا تُضْفُرْ في الشّعَرْ

قَطْرةْ قطْرَة عَ الدُرُوبْ

غَنِّي لِعْطَش القُلُوبْ

وما تْخافِي السَحابْ يا خضْرا

الصَفْو مِنْ بَعْد الكدَرْ

ضُمِّينِي وبِلِّي لِي رِيقِي

وغَطِّي بِلْحافِكْ رَفِيقِي

مَهْمَا عَثَّرْنِي طَرِيقِي

المَسِيرَةْ تَسْتمرّ…

30 مش كفايه انك تعلق المهم انك تتابعنا ::

هبة فاروق يقول...

حلو الكليب
وربنا معاك فى الامتحانات وفى انتظار الصور
تحياتى

المصوراتي يقول...

هبه فاروق شكرا علي متابعتك الدائمه

هو مفيش صور

انا حقول ازاي نصور حدث زي 25 يناير

عبد الرؤوف بن عبدالسلام (أبوهارون) يقول...

هيلا هيلا يا مطر
ربنا معاك

Ehab Ahmed يقول...

ربنا معاااك يا محمود
و أدينى مستنى لما أشوف المفاجأة الجامدة
بس ازاى الشباب حيسيب الامتحانات و اللى أنا متأكد ان الحكومة مدت وقتها لعدة اهداف من اهمها تعطيل المعارضة عن مخططها الثورى يوم 25 يناير ده على حد رأيى الشخصى
و ربنا المعين
لكنى لست مع الثورة و اللى مات فى تونس و الثورة قامت علشانه مات منتحر يعنى مات كافر و الحكياة بقت موضة
و أنا مع التمسك بالقيم و العودة الى أخلاقنا و مثلنا الحميدة و العودة الى الاحترام و اللى أصبحنا مفتقدينه و لم يعد يوجد حياء و وجب علينا الالتزام و التمسك بتاعاليم ديننا
ربنا حرر بنى اسرائيل من فرعون امتى؟؟؟
حرررهم من فرعوووون لما قالوا أمنا برب العالمين

sal يقول...

ربنا معاك ويوفقك ان شاء الله

الكليب جمييل
وكلماته حلوة

وانت الاحسن والافضل لما احسسته من روحك العالية الهمة التى تأمل غد افضل

ومين عمنا الشيخ اللى جاى يفتى
ويحدد لنا طريق الخلاص

تحياتى وتقديرى

faroukfahmy يقول...

المصوراتى محمود بوستك حلو قوى زى صورك يا مصوراتى، عين كاميراتك صادقة بس صوبها شويه على وانا فى مدونتى عشان اشوف نفسى كويس ، اما عن الكليب فهو جميل ورائع ومتظرين تخلص عشان نشوف صورك الحلوة وع اخلص دعائى لك

ツSmiLeY AnGeLツ يقول...

كلمات جميلة
والكليب جميل
ربنا يوفقك في امتحاناتك
تقبل مروري
سلامي ليك اخي.

Carmen يقول...

بوست لذيذ تسلم ايدك
وربنا يوفقك في الامتحان انا كمان عندي 23 و27 ومنتظرين المفاجأة باذن الله

غير معرف يقول...

شكرا علي الكلمات الرائعة
وربنا يوفقك في الامتحانات اخي الكريم
في انتظار المفاجأة
تحية وتقدير

♥ ♥ Amira Samy ♥ ♥ يقول...

تسلم بجد على البوست الراااائع
و منتظرين منك المفاجأت
قريب ان شاء الله
تحياتى لم و لكمرتك

شمس النهار يقول...

ماشاء الله الكليب جميل

وربنا معاك في الامتحانات

وترجع بالسلامة

AHMED SAMIR يقول...

بالتوفيق ان شاء الله

مذكرات موززه عانس يقول...

حلوه اوى وربنا معاك فى امتحاناتك لكن هاسألك سؤال اهبل هو الماوس بيتحرك ازاى على انه قلب ؟ده تحفه عاملها ازى دى مصوراتى؟

مصطفى سيف الدين يقول...

الكليب جميل والكلمان اجمل
ربنا يوفقك في امتحاناتك يا رب

ليلى الصباحى.. lolocat يقول...

السلام عليكم ورحمة الله
كيفك محمود :)
يعنى هو انت مضايق ليه
يعنى هو انت عامل المدونة دى علشان انت مضايق كده ولو انت عاملها لكده يبقى ليه كده
بلاش تزعل نفسك يا محمود كده :):)


الف سلامة عليك اخى من اى سوء وزعل

اشكرك على القصيدة الجميلة
ويارب يارب يارب يتم عليك الامتحانات بخير ان شاء الله

فى انتظارك علشان محتاجينك فى حاجات كتييييير ان شاء الله

تحياتى لك وتقديرى وبلاش كده تانى :)
ربنا يسعدك دايما اخى العزيز

المصوراتي يقول...

ابي رؤوف

هيلا هيلا يا مطر

ربنا يولي عليكم اصلحكم

اللهم امين

المصوراتي يقول...

EHAB AHMED

انا لله و انا اليه راجعون

انت بتألف

ربنا حرر بنى اسرائيل من فرعون امتى؟؟؟
حرررهم من فرعوووون لما قالوا أمنا برب العالمين
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

دا فين الكلام دا

لولا موسي
كانوا غرقوا جميعا

بني اسرائيل كانوا بيقولوا انا لمدركون

موسي
كلا ان معي ربي سيهدين

بني اسرائيل ايه بس الله يسامحك يا شيخ

الزمن غير الزمن
و انت شفت بعنيك تونس

و انا اول مرة افهم الايه
ان الله لا يغير ما بقوم حتي يغيروا ما بأنفسهم

مش شرط بالايمان
اللي احنا فيه سلبيه و خضوع و رضي بالذل

فقط قالوا لأ لا هوان بعد اليوم

بني اسرائيل ايه بقي !!!!!!!!!!

المفاجأه جات يا سيدي

المصوراتي يقول...

SAL

اخي الحر

منور المدونة و جزاك الله خيراً

و فرج عنك همك و رفع قدرك

نورت المدونة

و سيبك من عمنا الشيخ

رغم اني كنت احب انك ترد عليه من داخل الحدث

المصوراتي يقول...

FAROUK FAHMY

يا حبيبي انت تؤمر

بس اخلص امتحاناتِ

ربنا يعلم انا مضغوط اد ايه

حصور عيوني و قلبي و كاميرتي اليك يا قلبي
حاضر

المصوراتي يقول...

خوطري مع الحياة

نورتي المدونة يا كريمه

جميلك فوق فوق فوق راسي

المصوراتي يقول...

CARMEN

ربنا معاكِ في الامتحانات غلابه و الله يا رب اكرمنا لاجل النبي

:)

بالتوفيق ان شاء الله

نورتي

المصوراتي يقول...

ماشي في نور الله

شكرا جزيلا لك و سعيد ان الفيديو اعجبكم

المصوراتي يقول...

سلسبيل

فينك ؟

مقصرة معانا علي فكرة بس عموماً

منورانا دائما

لاتغيبي عنا

المصوراتي يقول...

شمسنا ( شمس النهار )

نورتيني و انا مش حتأخر ان شاء الله
عليكم

هاااانت

جزاكِ الله خيراً

المصوراتي يقول...

AHMED SAMIR

THANKS TOO MUCH

المصوراتي يقول...

BOMBONA

طلباتك اوامر

قريباً ان شاء الله و الله اخلص

و يكون عنك كل اللي انتي عوزاه

المصوراتي يقول...

ام هريرة

ليه كدا
بلاش معايا انا كدا
الا كدا

مش حلو و الله كدا

ههههههههههههه

انا تحت امركم ان شاء الله دعواتك

مدونة مفيـد يقول...

جميلة
أسأل الله أن يوفق في امتحاناتك و سأدعولك
ننتظر إبداعاتك
موفق بإذن الله

المصوراتي يقول...

مفيد حبيبي

وحشنا يا راجل

نورت المدونة

اه بالله عليك الواحد احوج ما يكون لدعاء الامه الاسلامية كلها

:)

مذكرات موززه عانس يقول...

بصراحه انا من رأى ان كل اللى بيحصل ده مش منطقى يا جماعه انتوا عايزين ايه ؟الريس يمشى؟
اللى عايز واحد يمشى المفروض يروح له لحد عنده ويواجهه ويقول له فى وشه:امشى كفايه كده يبقى معناه ايه انهم يتظاهروا فى حته تانيه بعيد عن بيته يا جماعه عشان نكون مؤثرين وبنعمل حاجه ليها معنى لو سمحتوا روحوا لعند بيت الريس واطلبوا منه يمشى ,معناه ايه التظاهر فى التحرير وجامعه القاهره ولا السويس ولا طنطا ولا اسكندريه يا جماعه روحوا لعند بيت الريس والله ده ها يوتره اكتر وكده هاتضغطوا عليه ويحس انه مكروه بجد وحتى لو مامشيش هانكون على الاقل نفسنا عن غضبنا وضغطنا عليه نفسبا ماهو ضاغط علينا عمر بحالوا, كل واحد فينايسأل نفسه لو جم تلاته او اربعه تحت بيته وطلبوا انه يمشى من بيته وهتفوا ضده هايكون شعوره ايه ؟وهو هايعرف شعور الريس هايبقى ايه وحدوا صفوفكم بكره فى مكان واحد والكتره احسن بدل ماكل مجموعه تكون لوحدها فى حته وربنا ينصرنا انشاء الله