واقع في مشكلة

الثلاثاء، 5 أبريل 2011

واقع في مشكلة نجدة يا جدعان

واقع محتاس و حيران  كمان

لا عارف اتكلم و لا عارف اقول كلام

لا عارف اقول لقريب و لا حتي بعيد 

شايل هم سنين و مش لاقي اي جديد

قالوا ثورة قلت معاكم 

 قالوا ثورة علي الظالم 

قلت ماشي بس انا كمان ظالم 

ظالم نفسي بقالي كتير و كل يوم محسوب من المظاليم 

و انا لا مظلوم و لاشيء انا اللي راضي بقالي كتير 

اني اشوف الظلم و اسكت عليه 

و لما جات الثورة و غيرت كتير 

قلت مش ساكت علي ظلم و لو كانت عاقبة جحيم

وفعلا صدقت في كلمتي و قلت حغير كل شيء

ببص برا و بس و ناسي اني جوايا كتير 

بردو محتاج تغيير 

باصص لبرا و بس و قلبي بيتشكي بيقول لي 

حرام عليك 

مش شايف نور بقالي كتير 

و حاسس اني بقيت جامد و لا كأني حديد

دا الحديد بيلين و انت ما بتلين ! 

و عقلي بيصرخ يقول 

حرام عليك كفايه جنون 

ارسي في مكان و كمل فيه 

كل شويه في مكان مشغول !

خد اليمين و كمل فيه 

عشان قلبك محتاج لِه

ولا انت تحس بانك مضايق و صدرك مقفول

و انت عارف الحل و هو بسيط 

ارجع لربك و اشتكي لِه 

و ابعد عن كل غريب عنك 

لا منك و لا شبهك

ارجع في حضن امك و اشيكي لاولدها 

اخوانك اللي بيحبوك 

حب صادق و بجنون 

و دي المشكلة و دا حلها يا محمود

تقبل , ترفض الحرية لِك

بس بعديها ما تشتكي و تقول 

واقع في مشكلة 

و انا مظلوم 

....................

دي خاطرة جوايا بقالي كام يوم تقولوا عليها شعر زغلوله
نثر بقي معرفش 

هي جات كدا 

دعواتكم لي 




هؤلاء اخواني هكذا يجب ان نكون


هكذا من المفترض ان يكون حالي تلك الايام



ربنا يستر

15 مش كفايه انك تعلق المهم انك تتابعنا ::

غير معرف يقول...

ارجو صلاح حالك
وفرج همك
مودتي لك محمود

اشتقت لك كثيرا
ولكن اشياء تمنعني من الحديث معك

الشاب الصح يقول...

السلام عليكم و رحمه الله
الباشا الكبير عامل ايه يا ريس
بجد الكلام ده جااااااااااامد جدا موهوب يا ابنى و الله
ربنا يصلح حالك و حالنا اللهم امين
========>♥ ◕‿◕ ♥<========
اللهم لولاك ما اهتدينا ولا تصدقنا ولا صلينا فأنزل يا ربي السكينة علينا وثبت الاقدام ان لاقينا
========>♥ ◕‿◕ ♥<========

جايدا العزيزي يقول...

و انت عارف الحل و هو بسيط

ارجع لربك و اشتكي لِه

و ابعد عن كل غريب عنك

لا منك و لا شبهك

اجل عاشور

اصبت

ربى يعلم انه دائما تصحبك دعواتى

انا ايضا بداخلى كل ما بداخلك

تحياتى

شمس النهار يقول...

ياشيخ خضتني جدا

افتكرت عندك مشكله فعلا

لاقيت عندك موهبه

:))

ليلى الصباحى.. lolocat يقول...

السلام عليكم ورحمة الله

لا ملجأ لنا الا الله هو الاعلم بعباده وهو اعلم بالخير سبحانه وتعالى
مافى مشكلة الا و لها حل ان شاء الله بالعودة الى حكم الله فيها

ونحمد الله ا الابتلاء ليس فى الدين

هون على نفسك يا محمود وجميل ان قلمك فى النهاية ((فضفض)) بشعر بنثر بمجرد كلام اشكال الوان مش مهم المهم انك عبرت عن نفسك وده كفاية انك ترتاح شوية

صلى ركعتين باخلاص لله وابتهل اليه ان يرفع عنك الهم والحزن وحاول تشوف فين رضا الاب والام لان ده اكيد عليه عامل ان الابتلاء يزول بدعاؤهم لك ان شاء الله

قلبنا معاك والله يا محمود ربنا يوفقك لكل خير اخى العزيز ويهىء لك من امرك رشدا

دمت بكل امان وسلام و راحة بال

ツSmiLeY AnGeLツ يقول...

الي بخرجك من هذا الشعور
الذي بيخليك تعرف لو كنت ظالم نفسك
هو الله تعالى الجى اليه هو من سيريحك
وطبعا مافي حد يظلم نفسة
هذا مجرد شعور
فلجئ الى ربك هو الذي سيعرفك طريقك ونفسك
ربنا يهدي الحال ويبعد عنك الهم والغم
ويبعد عنك كل ظالم
تقبل مروري ^_^
سلامي ليك اخي.

عبد الرؤوف بن عبدالسلام (أبوهارون) يقول...

بمحبة الرب وإخلاص لي بعضنا في محبة بلادنا......
رؤوف

Unknown يقول...

بسم الله وبعد
إجعل الشكوى لله وحده وتوكل على الله ولا تخاف في الله لومة لائم
نسأل الله عز وجل أن يوفقك ويسدد خطاك

إخوانك في الله
أبو مجاهد الرنتيسي
أحلام الرنتيسي

Elsayed Azab يقول...

ربنا يصلح حالنا وحالك ..

ويفرج همومهنا وهمومك ..

ويهدينا ويهديك لما فيه خير لنا وصلاح امورنا كلها ياااااارب العالمين ..

قلبى معاك يا محمود ودعواتى يااارب يفر ج كربك ياااارب ..

دمت بود وبعز وبسعادة دائما ان شاء الله ..

تحياتى

iBrahim aAdam يقول...

معظمنا هذا الشخص يا باشمهندس :(

دعاء العطار يقول...

" ياحى ياقيوم اصلح لى شأنى كله ولا تكلنى الى نفسى طرفة عين أبداً "

ربنا يصلح حالك ياااارب ويخفف همك وكربك

وفعلاً عندك حق كتير اوى بنظلم نفسنا من غير مانحس

وزى مالثوره بتقضى ع الظلم

يبقى لازم نقول استووووب لحد كده ونعيد حساباتنا مع نفسنا

دمت بكل ود

Unknown يقول...

بارك الله فيك وأعزك
وحفظك ورعاك

مدونة رحلة حياه يقول...

السلام عليكم
مش مهم تصنيف الكلام ايه يا محمود
المهم انه عبر عن اللى جوا ناس كتير فينا
سلمت يداك

sony2000 يقول...

تمام يامعنمي:)

Crazy Nemo يقول...

و نعم بالله اللى حصلنا ده كله كان بتوفيق ربنا سبحانه و تعالى ان اراد شيئا يقل له كن فيكون