يا بني حتتمسك

الأربعاء، 9 مارس 2011

السلام عليكم 
موضوع عني شخصي اوي 
 much 2
 اسمه 
يا بني حتتمسك 
يا عاشور اتلم اهدي شوية 
ايه يا بني ال posts دي كلها اللي انت عملها share دي !!
عاشور مولع الفيس يا جدعان , يا بني انا خايف عليك
يا بني الحيطان لها ودان :)

يا بني سيبك من السياسة دي 

دا انت ساكن جنب امن الدولة حرام عليك اتقي الله 

و نفس الانسان اللي بيكلمني بالطريقة دي 
هو هو اللي يجي يدخل علي صفحتي علي الفيس عشان يعرف اخبار الدنيا كلها و يناقشني فيها :)
و بفضل الله بيقتنع بهاو ينشرها و ممكن يتكلم عني مع واحد صحبة انا معرفهوش اصلا و لما يشفني يقول لي 
هو انت عاشور بقي اللي بيتحكالي عليك
سبحان الله

ايام الانتخابات حتتمسك يا بني 
ايام  الامتحانات و انا مطلق للحيتي بردو حتتمسك يا بني

ايام الثورة حتتمسك يا بني 

لحد ما جه يوم الاربعاء الدامي و بعد ما ربنا نجاني من الموت او علي الاقل الاصابة من احد البلطجية اللي هجموا علينا 
و روحت مع اخويه و لقيته بيقول لابنه الطفل : معلش يا ياسين معلش يا بني كان نفسنا نخليك تعيش احسن مننا بس ربك مش رايد يا بني 
و في بالي غزوة الاحزاب بس 
دي اللي في بالي طول اليوم دا
و انا علي عكس اخويه خالص مستني يوم الجمعه و في بالي انه المخلوع حيمشي  

في نفس اليوم
جه واحد جاري :) اه و الله جاري 
و انا واقف بليل في اللجان الشعبية بيقول لي :ايه يا بني اللي موقفك هنا دول مستحلفين لكم لو شافوا واحد منكم ( لها مراد منكم دي علي فكرة) حيقتلوه و لولا انك مني و جاري لكنت بلغت عنك :)
حبيبي يا جاري 

طيب بعد ما اتولع في امن الدولة و تبقت خطوة واحدة علي اسقاط النظام 

ممكن يتقال لي ايه ؟؟

هو دا السؤال الاصعب 
و اتوقع لهذا الجواب اجابتين 

الاولي : اهلا بك معلش ظلمناك و كنت علي الحق 
الثانية: حبيبي و صحبي و كفاءه بس مليش دعوة به يا عم 
دا تبع ناس بتوع سياسه و ارهابيين :)
و خطر علي امن البلاد 

انا عاوز اضحك مش قادر الصراحة امسك نفسي 
و في نفس الوقت دمعت لان صحبي مازال جاهل بي 
 ليه كدا يا صحبي ؟!

و عشان صحبي يعرفني فانا كدا من هؤلاء و من يقال لهم 
أيها الإخوان :
إذا قيل لكم إلام تدعون؟ فقولوا... ندعوا إلى الإسلام الذي جاء به محمد صلى الله عليه وسلم ، و الحكومة جزء منه ، و الحرية فريضة من فرائضه ، فإن قيل لكم هذه سياسة! فقولوا... هذا هو الإسلام ولا نعرف هذه الأقسام.
قال لنا امامنا الشهيد
أحب أن أصارحكم، إن دعوتكم لا زالت مجهولة عند كثير من الناس،ويوم يعرفونها ويدركون مراميها وأهدافها ستلقى منهم خصومة شديدة وعداوة قاسية،وستجدون أمامكم الكثير من المشقات وسيعترضكم كثير من العقبات، وفي هذا الوقت وحده تكونون قد بدأتم تسلكون سبيل أصحاب الدعوات، أما الآن فلا زلتم مجهولين ولا زلتم تمهدون للدعوة وتستعدون لما تتطلبه من كفاح وجهاد سيقف جهل الشعب بحقيقة الإسلام عقبة في طريقكم، وستجدون من أهل التدين ومن العلماء الرسميين من يستغرب فهمكم للإسلام وينكر عليكم جهادكم في سبيله، وسيحقد عليكم الرؤساء والزعماء وذوو الجاه والسلطان، وستقف في وجهكم كل الحكومات على السواء، وستحاول كل حكومة أن تحد مننشاطكم وأن تضع العراقيل في طريقكم .
وسيتذرع الغاصبون بكل طريق لمناهضتكم وإطفاء نور دعوتكم وسيستعينون من أجل ذلك بالحكومات الضعيفة، والأخلاق الضعيفة،والأيدي الممتدة إليهم بالسؤال، وعليكم بالإساءة والعدوان، ويثير الجميع حول دعوتكم غبار الشبهات وظلم الاتهامات، وسيحاولون أن يلصقوا بها كل نقيصة وأن يظهروها للناس في أبشع صورة، معتمدين على قوتهم وسلطانهم، ومعتدين بأموالهم ونفوذهم } يريدون أن يطفئوا نور الله بأفواههم ويأبى الله إلا أن يتم نوره ولو كره الكافرون{ [التوبة32].


وستدخلون بذلك ولا شك في دور التجربة والامتحان، فتسجنون وتعتقلون وتقتلون وتشردون، وتصادر مصالحكم وتعطل أعمالكم وتفتش بيوتكم، وقد يطولبكم مدى هذا الامتحان } أحسب الناس أن يتركوا أن يقولوا آمنا وهم لا يُفتنون { [العنكبوت20].. ولكن الله وعدكم من بعد ذلك كله نصرة المجاهدين ومثوبة العاملينالمحسنين } يا أيها الذين آمنوا هل أدلكم على تجارة تنجيكم من عذاب أليم{ [الصف10] } فأيدنا الذين آمنوا على عدوهم فأصبحوا ظاهرين { [الصف14]. 
فهل أنتم مصرون على أن تكونوا أنصار الله؟
و في النهاية 
يا جاري و يا صحبي بقول لك:
"ونحب كذلك أن يعلم قومنا أنهم أحب إلينا من أنفسنا، وأنه حبيب إلى هذه النفوس أن تذهب فداءً لعزتهم إن كان فيها الفداء..
فنحن نعمل للناس في سبيل الله أكثر مما نعمل لأنفسنا، فنحن لكم لا لغيركم، ولن نكون عليكم يومًا من الأيام".

13 مش كفايه انك تعلق المهم انك تتابعنا ::

ليلى الصباحى.. lolocat يقول...

يابنى هتتمسك :)

سلام الله عليك يا محمود
ربى يوفقك ويحفظك انت وكل شبابنا واخواتنا يارب

طبعا اكدب عليك لو قلتلك انى قرأت البوست كله بس انا قرأت جزء كبير و هروح اصلى
وحبيت يكون تعليقى الاول لى زمان ما دخلت هنا هههههه

على فكرة مستحيل يلغوا امن الدولة بس يمكن يرجعوها بشكل جديد يعنى نيولوك

مش مهم عدد اللى يوافقوا رأيك
لكن الاهم ان يكون رأيك ومبدأك يوافق الشرع وطوبى للغرباء

ربى يحفظك دايما ويحميك اخى

لى عودة ان شاء الله ويارب يكون تعليقى فعلا الاول :)

تحياتى

أمل حمدي يقول...

ياابني من توكل على الله فهو حسبه
لا تلوم فقد يكون خوفا عليك من بطش الظلمة أوعدم فهم
المهم ربنا ينجيك ويصلح حالك يارب

مازن الرنتيسي يقول...

بسم الله وبعد
يقول الله عز وجل: (ومن يتوكل على الله فهو حسبه) التوكل عبادة عظيمة تدل على صدق الإيمان وثبات اليقين، وهو عمل قلبي يكسب صاحبه طمأنينة وثقة وانشراحا واعتمادا، فتوكل على الله ولا تخاف في الله لومة لائم

إخوانك في الله
أبو مجاهد الرنتيسي
أحلام الرنتيسي

مدونه ما كفايه بقى يقول...

السلام عليكم

مبارك عليك المدونه الجديده وربنا يجعلها فى ميزان حسناتك بإذن الله

فى كتير لسه ضد فكر الاخوان حتى لو مقتنعين بيه لكن دعوه الإخوان مستمره بعون الله رغم أنف الحاقدين حتى يهديهم الله ويظهر الحق جلى واضح

التعليق ده جالى من زائر مجهول فى آخر موضوع ليا (ربنا يخلصنا منك ومن جماعتك قريبا إن شاءالله ويرجعكوا السجون الى طلعتوا منها علشان تخربوا البلد - ربنا ينتقم منكم وعاملين نفسكوا مسلمين وأنتوا بتفصلوا الدين على مزاجكوا ربنا يخدك أنت وأمثالك قادر ياكريم يسلط عليكم العذاب زى مابتعذبوا الناس يارب)

كده انا بقى عندى فكره عن اللى هرد عليه بيه

متابعاك وإلى الامام يا بشمهندس

;كارولين فاروق يقول...

قرأت البوست كويس
وكنت قد استمعت لاحد
الشيوخ بلأمس عن رأي
الحكومه في فصل الدين عنها
وفسر ذلك بأتاحه الفرصه لها لانتشار
الفساد

عمدة كفر المظاليم يقول...

بجد يا محمود
من أروع ما قرأت..
ربنا يكرمك ويبارك فيك
الآن أشعر بالفخر وأرى أنك بدأت تسلك سبيل المدونين العالميين.. وكيف لا.. وهم لم يمروا بتجربة كتجربتك
أحييك أخي العزيز

الشاب الصح يقول...

حبيبى يا حوده انت فكرتنى بجمله(انا هحارب لوحدى ولا ايه)هههههه
انا فى الحالات دى بقول يا رب و الله العمل ده ليك مش لحد تانى علشان يصبرنى
و فعلا بعد العمل الواحد بيحس بسعاده مهما كانت النتيجه لانك عارف ان عملك ده بحسنات كتير و هيكون احسن من اللى بيترق عليك و بجد انا اعذر كل واحد بيقول كده مش عايز اقول انه مش فاهم بس و الله لو فهم كويس هيساعدك كمان و الله الناس فيها خير كتير ممكن تلاقى واحد برده بيعاندك مجرد انه عايز كده مش عايز يفهم و معلش الناس كلها دلوقتى طالعه من مدارس مبارك للفساد والخوف فوحده وحده و هو و غيره و غيره بتفاعل معاك
جزاك الله خيرا
========>♥ ◕‿◕ ♥<========
اللهم لولاك ما اهتدينا ولا تصدقنا ولا صلينا فأنزل يا ربي السكينة علينا وثبت الاقدام ان لاقينا

Unknown يقول...

جميله يا محمود ربنا يوفقك واجمل حاجه اسم ياسين ههههههههههه

غير معرف يقول...

من تواضع لله رفعه
ولقد ظهر الحق وذهب الباطل
وانا لو كنت واقف ضد اى حد فى الاول فانا دلوقتى معاه حتى لو رجع امن الدولة تانى
وانا معاك يابنى وموافق معاك فى الراى وربنا معاك ومعانا

جمعاوى يقول...

واحد معدى
،،


سلام عليكوا :)

KhaOula Kasmi يقول...

جميييل,,رائع,,راقي,,مميز
فعلا بورك بك يا محمود
اعجز ان اصف روعة هذا الكلام

مودتي

بنت مصريه يقول...

كلام جميل

Unknown يقول...

حفظك الله ورعاك وسدد على طريق الحق خطاك